|
دخيل الكحل لامنه جمع كل السواد وجاك
دخيل الگحل لا منه جمع گل السـواد وجـاگ
ينام من التعب ساعـﮧ بظـلّ جفـون نعسانـﮧ
دموعگ تزعج أحلامـﮧ إذا يوم الزمـن بگّـاگ
يسيح بوجنتگ گنّه ظلام(ن) طاحـت أرگانـﮧ
ويذبل وردگ اللي قد تبسّم في ربيـع شفـاگ
يصير من الحزن گنّـﮧ غريب مضيّع أوطانـﮧ
حبيبي لا تعذبني عسى گـلّ العمـر يفـداگ
عسى من يجرح إحساسگ يموت بگثرة أحزانـﮧ
أحطّ الگون في گفّـﮧ وفي گفّـﮧ أحـطّ رضـاگ
وارجّح گفّتگ واترگ جميع الخلـق زعلانـﮧ
تدلّل مثل ما ودگ متى قلبـي قـدر يعصـاگ
وربي مايردّگ لـو رغبـت بقطـع شريانـﮧ
أنا وش لي من العالم إذا دنياي مـن دنيـاگ
وما فيني غدا لگ شعب طايع وانت سلطانـﮧ
حبيبي ما معي غيرگ ولا عندي أحد يسـواگ
ملگت احساس من حبّگ على فگره ووجدانـﮧ
أنا والقلب نتسابق على گفّ الولـه جينـاگ
وعندگ نلتقي دام انـت عنوانـي
|