ومن باعني بعته ولو كنت انا اغليـك
العمر واحـد بهتنـي فـي ربوعـه
والغاوي اللي بالخفا صـار يعنيـك
خلـه يسـرك بالليالـي الفجـوعـه
وقلبن يحبك للاسـف صـار ناسيـك
ناسيـك ياللـي ماعرفنـا طبـوعـه
خذهـا وعـد منـي وعـدد لياليـك
تبطي علي رد الوصل مـع جموعـه
ماغيرك اللي يزعل وكنت انا ارضيك
وماغيرك اللي بالجفـا لـه طلوعـه
مليت من عشقـي وهـذي حراويـك
ومن مل من عشقي يـدور ربوعـه
تعال ابشرح لـك طبايعـك ابعطيـك
حلـو الكـلام اللـي تمنـا سموعـه
وافهـم كلامـي واحفظـه لايعنيـك
وافهم جميع اللـي بقـول بميوعـه
ان كان قصدك بالحشا يوم انا اطريك
قلبن يحبـك يصعـب انـي اطوعـه
عنـي توكـل والليالـي تصحـيـك
ماضيك قفا وانطفـت بـك شموعـه
باكر يجي منهـو يعـوض ابتجافيـك
وتعيش مع نفسك وروحن جزوعـه
مابيـك انـا مابيـك مابيـك مابيـك
هذا كلامك وافهم اللـي تفوعـه