واحده من أجمل قصايد الشاعر عايض الظفيري =)
وكما هو معروف بأسلوبه الوجداني واستنطاقه لما حوله فالشعر يعود لنا مرّة أخرى ليستنطق البحر بطريقته الخاصه <
اترككم للأستمتاع :
شايفه كيف البحر يصبح حزين !
لاوقف عاشق ولوّح في يديه,,
شايفه وشلون يبدأ يستكين ؟
كل مايقرأ تفاصيل الوجيه !
البحر: يشبه وطن , للمتعبين ,,
يتسع صدره لمن ضاقت عليه
يسبر الروح ويهدهدها ، وتزين
وكل هم(ن) فاض في الصدر يحكيه
يشعر بنبضات كل العاشقين
وكل زفرة هم فـ أمواجه تتيه
شوفي كيف الناس فـ أحضانه تلين !
ترمي الدنيا ورا الظهر وتجيه,,
هذا انا لاصرت في حالي سجين
انعتقت وجيت يمّه مبتليه !
آه ياريحانة القلب ، اشتبين ؟!
عندك البحر يعرفني واسأليه !
كل ماقلتي تجين وما تجين,,
أشعر أمواجه تكون اشبه بـ ( ليه ) ؟
عاد انا دمعي مثل ما تعرفين
وانتي أكثر من مسح دمع فـ يديه !!
يعني لو غبتي بيذبحني الحنين
وافقدك فقد اليتيم لوالديه ,,
كل موعد ينهجر يعني: سنين
احبس ايامي عشانك واحتريه !
والكلام اللي تحبسينه ثمين
المح عيونك ترجاك: اطلقيه !
سولفي للبَحْر يبغاك تحكين,,
سكّرك حتى الشواطي تشتهيه !
راقت لي كثيرآ ،