نسى كم ليل لـــ عيونه سهرته
ونسى كم صبح نوّرني بــ عينه
يبي يهجر وأنا ماقد هجرته
وإذا يزعل أنـادي فيه ْ: وينه
شلون أعيش لو فعلآ خسرته
وكيف أضيق " والعالم يدينه "
يقول إنّـي على جفوه جبرته
وأنا بــ جروح مافكّر أدِيـنه
ربيع العمر لــ عيونه ذخرته
وسمّـيته بــ هالإســـم ورنينه
ربيع العمر / وفراقي قدرته
قسى قلبك وهالقسوه تزينه
إذا بــ تروح هـِـدّ اللي عمرته
ماحب ْ أعيش في بعدك حزينه
يعيش القلب لو بيدك كسرته
يلم أشْـلاه من " وافي حنينه "
هوى قربك أموت ولا غدرته
وحتى إن غاب عن جو المدينه
وإذا هالوضع قلت : إني صبرته
فـ أنا كذاب ماعاش بـ يقـينه
مشيت لـ صبر ماكنّي عبرته
تعـــبت وماتـلفـّت ْ بـ غبينه
وإذا مر صوتك بـليل وسهرته
أغطالجرح وآلحف ّونينه
وأقول إنـّه هجرني ماهجرته
بغيت أجيه وأنفتني سنينه