ماذبحني غير ( تيت ) كل ما قلتي ( برب )
........لعن ابو جد ال ( برب ) دوختني ( تيت ..تيت )


( تيت.. تيت ..تيت ..تيت ).. صرت أغنيها طرب
........ريحو ..بالو ..وقولو ..( باك ) ياقلبو وجيت


راح أعدل فالقصيده حتى لو شعري خرب
........وراح أغير في المعاني كل ابوها بيت ..بيت


إختلاف الراي دوماً من تقاليد العرب
........لو قلبنا الحكم .. صن.. قالو ال شريا.. سبيت


ياحبيبي والله إني شفت شي من العجب
........زارني جني حكى لي قصة(ن) قبل المبيت


قمت أهلي ياهلا بك .. ياهلا ومية رحب
........ياهلا ب( خانوع ) والله قال : إهدا (Wait..Wait)


قلت : خير ..وقال : خير ...قلت : كنك مكتئب
........لحظه .. لحظه ..أنت تبكي ..صد عني وإستحيت


جيت بأمسح له دموعه ..شفت بعيونه رعب
........قلت : خايف .. هز راسه ..ثم ضميته وبكيت


يادموع الجن هلي ..وأمطري مثل السحب
........وياشموع الفن غني .. فوق قصر ( الشانزليت)


وياطيور الهم طيري مع همومه بكل سرب
........واسكني وسط الحنايا ..دام باقي ما شكيت


يالله يا ( خانوع ) سولف ..ثم فسر لي سبب
........سر هالدمعه .. ترى من حرها والله اكتويت


قال ( ذي الحجه ) توفى والسبب طعنة ( رجب )
........قلت تكفى لا تقول ..آآآآآآآآه ليتك ما حكيت


أدري .. أدري ما صدقت ..واضح بعينك ..كذب
........دنق وردد بهمس .. والله ما تنفعك ليت


ركز بعيني وقال : (..ياولد...) أنته.. تحب ؟؟
........قلت له يالله ( برب) قام يغني ( تيت ..تيت )