رد: مالعلاقه بين عيال العم وبنات العم وعيال الخاله وبنات الخاله؟
السلام عليكم ورحمة الله وبركاته
بتكلم معاكي بكل صراحهـ وبعيد كل البعد عن الامور الدينية لعدم كفائتي فيها ...
من الافضل عزل البنات عن الشباب وهالشي راجع للتفتح الي حنا عايشين فيهـ والي تلقي واحد بعمر 10 سنين صار يقول انا احب فلانه ... للاسف الرقابه من الاهل اصبحت معدومة بشكل كبير ... وهالشي اثر علىـآ اطفالنا واصبحو ينظرو للمواضيع بنظرة تطور و انفتاح ومن هالكلام ... ولكن ان وجدت الرقابة الصارمة عليهم فالتواصل هنا من وجهة نظري بيقوي العلاقات بينهم وقصدت العلاقات الاجتماعية و المودة والمحبة الأخوية و الألفة ...
وانا عن نفسي بتكلم الحين ...
اكثر بنات خالاتي بعمري تقريبا ولكن اخر مره اجتمعت وياهم يمكن من 10 سنين ان ماخاب ظني ولكن علاقتي فيهم مازالت متواصله لانه من صغرنا تعلمنا انه كلنا اخوان وكلنا يد وحده ... ويمكن هالشي حسينا فيه بعد ماتزوجو وكلهم قدمونا لازواجهم على اننا اخوانهم مع انهم مايكشفو علينا و متحجبين حجاب كامل ولكن الاخوة مازالت موجوده و السبب هي الاخوة الي زرعوها اهالينا بداخلنا ....
و التواصل في الاعياد و في المناسبات انا مااشوف فيها شي ولكن هنا يجب ان نعلم ان حياتهم لم تصبح لهم لحالهم يعني الاكثر متزوج ويمكن الزوج يغار ومن هالكلام ومن حقه طبعا هالشي فساعتها الواحد يبعد عشان مايسبب مشاكل ...
وصدقيني لو وجدت الرقابة انا مااشوف في الموضوع غلط و يمكن في شي ابفضحه على نفسي هههه الي هو كاتمة اسراري في هالدنيا هي بنت خالي الكبيرة يعني في اشياء تعرفها مايعرفوها اقرب الناس لي حتى من اصحابي و هالشي لاني اثق فيها من صغري و يمكن هي الشخص الوحيد الي في هالدنيا الي ممكن يخليني اغير قراري بثواني لاني احترم تفكيرها كثير ... وهي بعد موجوده في هالمنتدىـآ ...
وارجع واكرر وجهة نظري قلتها من غير مااتطرق للامور الدينية ...
موضوعكـ كثير مهم ورائع وان دل يدل علىـآ حسن وعيك للأمور ...
متميزهـ كعادتكـ يالغلا ...
بانتظار جديدكـ المبدع ...
تحياتي
|