ملعونها الذكرى وملعون ابوالشوق
دايم يردوني لدرب ٍ اصدّه

لاقلت بنسى كاشفت حولي بروق
وتكدّست في ناظري غيم لده

واستمطرت في داخلي غصّة العوق
سالت بها وديان وانباح سده

الشوق لويملك من احساسنا ذوق
ماكان بكّا عيني اللي تودّه

نوب ٍ يغيّبني ونوب ٍ له افوق
ونوب ٍارخّي الوصل ونوب ٍاشده

الشوق لاعب بي كما لعبة السوق
ياقف بصفي يوم وعشره بضده

علم عيوني منّه اشلون انا ابوق
غفوات عيني بالسهر عالمخده

الشوق لايستر ولايرحم الموق
يقتل مدامع ناظري فوق خده

ممــــا رااق لي..