|
اللي زعلان والا طفشان وزهقان يقرا الموضوع
السلام عليكم
كيفكم حبايبي انشالله طيبين وحلوين ومستانسين
اليوم جايب لكم موضوع بس مثل ماقريتوا في العنوان
اللي زعلان والا طفشان وزهقان يقرا الموضوع
لانه راح ينسى الزعل وتستانس
هذه مجموعه من ابيات قصائد لشعار مجانين متخلفين حشاشين
نبدأ مع الاخ هذا الظاهر انه بنشري:
قلبي قبل فرقاك ما ينقص الزيت **** واليوم أزيده في كل مشوار علبه
شوفوا الوصف البليغ للحب:
الحب قطع قلوب البعارين****حتى الحمير السود يلعن جدفها
هذا البيت أنا أجيز الشاعر فقد عبر عن حبه بصوره شعريه رائعه:
يا ليتني في جيبك ريال مقطوع****يبقى معك ما يقبله اي دكان
وهذا الشاعر متأثر بشعر الحداثة وممكن تعتبروه احمد شوقي العصر الحديث:
ان لم تكن في كل الامور ذا عزيمة****فما عندك اليوم ماعند جدتي
وهذا الشاعر يبدوا من كلامه انه نذل شوفوا وش يقول:
اضيق لي شفتك مع الناس مرتاح ****وارتاح لا ضاقت عليك الوسيعه
حتى الموضه والملابس ممكن يستفاد منها كصورة شعرية:
شريت لي ثوبٍ على شان لقياك **** والثوب راحت موضته ما لبسته
وهذا الشاعر ممكن انه يتميز بصور شعرية شابة:
أحزن على فرقاك مثل الوراعين**** لآ مروا الدكان وأسرع أبوهم
وهذا شاعر تلخبطت عليه الامور ومزج الماضي والحاضر وضاع المسكين:
هات الذلول وهات قوطي سفن اب**** نغزي ديار القوم وناكل جلكسي
تسمعون باللي ينقاله مشغول فاضي هذا هو شاعرنا:
يامال فرقا العين كان ادفنوني ****وفارقت أنا الدنيا وانا عندي اشغال
وهذا شاعر يمتاز بثقته بنفسه في كل شي :
قالت أحبك قلت ماهي غريبه **** سيارتي كشخه وانا حيل مزيون
الاخ هذا اكيد انه كهربائي متمكن :
أنا رفيقك لا ضرب كهربك شوط **** أفزع بسكروبي وأفك الضفيرة
وهذا الشاعر احس انه ما ينمزح معاه لانه يصدق ويتعامل مع الموقف بصدق:
كان الوعد مابيننا حذفة احجار **** ومن كثر شوقي له حذفت وفلقته
والشاعر هذا اثرت عليه احداث التفحيط يوم كان شباب :
حبك حشرني حشرت القير بثنين **** الضغط سته والتواير مصاليخ
اتمنى ان تعجبكم وكل واحد يقول ايش اكثر شئ اعجبه
لكم كل والود ....
|