تساهيل للشاعر سعود الزلع
الـــسلام عليــــكمــ ورحمــــة الله وبركاته
ذكراه زارت هاجسي تطرق أبواب
في مجلس افكـاري نوتها تعاليل
وحط السهر مركاه مابين الاهداب
وامسى يتقهوى من نعاسي فناجيل
سهرت أهيجن للمساء شوق غيّاب
راحوا كذا :من دون علم ومراسيل
بعيوني الثكلا وطن وحشة أحباب
بصدري مفارق ينتظر مطولك ليل
تعبت اسافر داخلي رحلة غياب
ضامي لقا محتاج رشفة مواصيل
اتبع سراب الحلم حتى الرجا خاب
وانا حسبت اني على ضفة النيل
توي دريت اللي مضى حلم كذاب
وتوي انتبهت !! ان الاماني تماثيل
ياقلب قل للعاطفه تلبس حجاب
مات الوصل ياقلب / لكن تساهيل
اتمنى تحوز ع رضاكم
|