العآشق اللي بالهوى قلبه رهيف
غصب ٍ عليه يصيب قلبه أرتجاف ..!
كل ما لمح له يالملا زول ٍٍ ظريف
يحس قلبه يرتجف به يوم شاف ..!
هيه ياللي تل قلبي يالنحيف
بسئلك من وجه ربّك ما تخاف ..!؟
صار جرحي بعد بريّه له نزيف
ويل جرحي ما أظنّة بي تشاف .!
من سبايب نظرة ٍ له من عسيف
نظرة اللي ما رضى بالأنتصاف ..!
مهرة ٍ ما ظن ترضى بالوليف
تتصف (بالعنجهيّة) ( والعفاف) ..!
لا نظرتة عين شيهان ٍ عنيف
وسط رمش ٍ زاهي ٍ فيه الوصاف ..!
كن رمشة قَيّفتة العين قيف
قيف بدلة ظابط ٍوسط الصفاف ..!
فوق خشم ٍلا بدقته سل سيف
قايم ٍمسلول عظمانة سخاف ...!
والثنايا لعنبوا جدّه تخيف
صف ثلج ٍوسط معسول الشفاف ..!
وعنق لاهو مرتوي ولا ضعيف
واقف ٍ يا كنّها عنق الزراف ..!
وغير ذلك بس ودّي بالشريف
عاذن الله من فواحش كل قاف ..!!!
عيني اللي من نظرتة له رفيف
لامة الله من يلومك بالرفاف ..!
ما يلومك غير من عقلة خفيف
بالهنوف اللي وصايفها خُراف ..!
أشهد انه جادل ٍماله وصيف
واشهد انك لا نظرتة ما تعاف ..!
واشهد انه لا شكاة ولا يعيف
من مسك يمناة في يوم الزفاف ..!

ب/قلم: محمد ـآلمتعب ~