الملم مابقالي .. من أحاسيس .. وأجي مكسور !
وحيد .. ولاعلى بالي سوى .. " إنسان " .. ناسيني !
واطيح ! وتنفتح من باب هالظلما / طيوف النور !!
واناديني . . " أنا ويني " . . ويرجع لي الصدى " ويني " !؟
ثلاث سنين من عتمة " ظلامك " .. ياضيا الديجور !
يموتك حلم ! و تموتك ... سحايب من ورى ... عيني !
واجي فيني ثلاث / اربع أغاني صاغها عصفور !!
نثرها للغمام .. إللي تهجّا رحلته ............. فيني !
و ادورني ورى جرحي ! وتنبت في حشاي قبـور !
و اكفن " عورة " همومي .. وادور منهو يرثيني !
هِنا كان المسا بارد/ حزين / و مكتئب / مقهور !
هِنا وإلا هِنا وإلا هنيّا ........ صرت ... ماابيني !
انا ما طحت من عين " المواجع " يوم انا مكسور !
أنا من كثر مافيني " مواجع " طحت من عيني !
.................................... طحت من عيني !!