رح فمان الله .. والذمه من الذمه بريه
لا تخاف من المفارق .. رح عليك الله وامانه
رح .. بعيد ابعد من الدمعه على العين الخليه
رح .. بعيد ابعد من الشرهه على مزح الميانه
وابعد من الحلم .. للي خاب ظنه في خويه
وابعد من اليأس .. للي طاب حظه في زمانه
لو تروح ابعد من حدود السماء .. والجاذبيه
والله ان تبقى قريب .. اقرب من القلب لحنانه
تنتشر فيني شتات جروح .. مثل الروح حيه
تختفي في كل عرق .. ولا فقتدك قال : عانه
يا بعد عذر الفراق .. اللي قبل فرقا الخطيه
يا بعد ذنب الزمان .. اللي قبل عذر الخيانه
ليله وداعك ..على كثر الحروف الابجديه
مالقى من ودعك .. حرفين ينطقها لسانه
ليلة فيها انت !! .. ماكنت انت .. هي ماهيب هيه
ليلة يكرم بها من حبها قبل .. امتحانه
قلت لي : بانساك .. قلت : الله يهنيك وهنيه
واحداً خلاك من رباك .. تنساني عشانه
قلت لي : قلبك لا ينسى .. قلت : ليت القلب فيه
دوره وليا لقيته وصه .. ورده مكانه
وص نفسك .. ولا انا مانيب في حاجه وصيه
واعتبر فرقاك امانه .. والله الله بالامانه