مل الكلام وكل ماقلت منطوق
حتى تعب صمت الكلام ونطقها
مدري نهاية عشق أو لحظه أشروق
أو قصتن خيط الخيال اخترقها
حتى تحرك بين الأغصان معلوق
وأحياء بقايا مابقا من عبقها
ثم أنزلت ترسم على الخد من فوق
فـ بداية المشوار لآخر رمقها
بنفس الطريق الي من العام مطروق
دمعن على الوجنة يحدد نسقها
تحيي بها ذكرى وتجرح بها موق
وتصحي احلامن زماني حرقها
كنه يلف الروح في غيبتك طوق
حتى انطوت بين الضلوع وخنقها
ذكرى الزمان الي ذكرته من الشوق
يوم الكفوف اشتابكت في عرقها
ياليل يكفي ماوصل منك بـ أفوق
يكفي دفنت أحلامنا في ورقها
بصيح بك صوتن جرح كل مخنوق
وبكتبك بنجومن تجلا شفقها
وينك ونا قلبي من أعوام محروق
ذكرى السنين الماضيه مافهقها
وينك أبنثر حزني أحروف وأطروق
وبرجع ألمك بالزهور وعبقها
مل الكلام وكل ماقلت منطوق
حتى تعب صمت الزمان ونطقها
قصه ثلاث أحروف ووعود وبروق
ليت الظلام بسطوته ما شنقها