ياعازف الحزن أنا ما أبغاك تتكدر
..... كذا حياتي نكد وأعطيتك أعذاري
ما أبغاك تنساني من حبك وأنا أتصبر
....على الفراق اللي مشتت لي أفكاري
ظروفي الصعبة تجبرني وأنا مظطر
....أني أنا أبعد بعيده مخفيه أنظاري
جاوبتها في سكاتي دون ما أعبر
..عن هالشعور اللي أذهلني وأنا ساري
وادعتها بليلةٍ فيها الفراق أظهر
.....دموع محبوبتي فوق الخد تنهاري
قعدت أفكر وش اللي صار وأتذكر
......يارب وش حيلتي يارب شالطاري
حاولت أنا أكتم معاناتي وبها أبحر
...في بحر غربة جديدة تشعل النّاري
في وسط قلبي يشب الضوّ وأتحسر
.....على الرفيق اللي بحبي أنا شاري
ياحسرتي كان راحت دون ما أتعذر
....عن الخطأ وعن قصورٍ بباقي أشعاري
أنا أشهد أني بغيابه صرت متكدر
....لا صوت لا موعد ولابه عزف لأوتاري
ياقدرة الله عسى المحبوب يتصبّر
.........على فراقٍ زِرع مقصوده الثأري
مضت ثمان الشهور وصابرٍ أنطر
.........منها يجيني خبر منها يجي طاري
أيّست منها وحل بدينتي وقرِّر
...........فراق محبوبتك يالعازف إجباري