ياغايب عني ترى للبطا لوم

لاشافتك عيني ولا جبت طاري

بسأل كثير الصبر يمكن تجي يوم

تلفي تنشد وانت بالحال داري

لك هاجس الذكرى سرق عني النوم

ماودعه فكري ولا عنه ساري

يسكن خيالي عشق ما يرتحل دوم

موقد براد الروح من شوق ناري

وقفة خطاوي ملها درب محروم

متى أشوفك والفرح له مواري

قضت سنين العمر بالود مهموم

واحمل خفوقي سر وأحكي وأداري

باصلك كلي من كسر بالجفا زوم

واعلن عليك الشوق بالحب أماري

واسعد معاك ولا بقا للعتب لوم

وان شافتك عيني فلا جبت طاري