رد: دنيا تضيق وفزعة الله قريبه
من شأن ستر وجيهنا نأخذ الدين
ياللي تعيرني بفقري وديني
والا نبي نشري عشاء للبزارين
والا لواجب ضيف ناصي يجيني
والا لمن حده زمانه على الشين
وجاني يدور فزعتي ينتخيني
اما مصيبدمع والى قهر دين
واجب علي اقوم لجله واعيني
المال رايح والاوادم مقفين
ماباقي الا ما تقدم يديني
نلقاه لا جينا في قبر وحيدين
ولا عاد تفزع لليسار اليميني
كم واحدا لز كان يملك ملايين
وقت اللوازم يختفي ما يبيني
واللي من امواله ما يعطي المساكين
هذا شبيه الديك بكل حيني
يذن ولا يسجد سوات المصلين
ينفع بها الوارد ونفسه يهيني
ويالله عفوك يامجيب الملبين
وانك على نهج الرسول تهديني
هذا وصل الله عد طلع البساتين
على محمد سيد المرسليني
|