منتديات رهين الشوق - عرض مشاركة واحدة

2010-10-10, 10:21 PM

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

يا كبر هم الغياب إن جيـت أدوِّرك إبمكانـــ
_____ ما اشوف إلا رحيـــــل ٍ طـــال وأنتي تتبعينه

إرجعي ما عـاد فيني حيل لسيــــوف الثواني
___ يـــــا ثقـل دم إنتظــاري لا عقــد لـي حاجبينه

من رحلتي هالمدينــة كل ما فيها [ مباني
_____ ينكسر فيهــا غـــروب و تنـجبر فيها ضغينة

إن شكيتك للطريق إتضيق ارصفت المواني
___ وإن شكيتك للمدينة ..ضاقت أنفاس المدينة

لا الفضا بعدك فضاي و لا الزمن هذا زماني
___ إنتهى بي كـــل شي و لا بقـــى للحلــم عيـنه

علميني .. يا عظيمة كيـــف أكون بـإتـــزاني
___ كيف أعيش بخيـــر و أنتي هالتلاقي تبعدينه

إن تذكرتك تحيــر الكلمــة بـــأطرف لسانـي
__ وإن سهيتـك إشتياقي تعبث بصــدري يدينـه

ابحري بي يا بعيدة .. لآخر إحــدود الأماني
__ يمكن إنلاقي بعضنا ( حلم ٍ ) أقفت به سنينه

و إن سألتـي كيـف حالــي لا تعانقنــا ثواني
__ قلت لك من يوم غبتي ..اغلب الأيام [ طينة ]

في غيابك شيّ ٍ أعظم من أخاف و من اعاني
___ حتى و جهي لو عرض لك صدقيني.. تجهلينه