البارحة جفني عن النـوم سالـي
والعيـن عيـا لايهـود نظرهـا
فكرت في دنيـاي بـول وتالـي
لقيت نفسي غارق فـي بحرهـا
ماني مع العالم وجالـس لحالـي
وحيد في دنيا رمانـي خطرهـا
اسج فيهـا كـل ماجـا مجالـي
وارجع ولاني سالم من ضررهـا
ماعدت اميز بيـن مـر وحالـي
ونفسي عنيدة مير وقتي جبرهـا
اشرب قراح ودوم شربي زلالـي
واليوم معرف صفوها من كدرها
ماكل من يضحك من الناس خالي
يضحك وناره وسط جوفه شررها
يبديلك الطيبه وزيـن الخصالـي
والحقد والغيره بدربـك نثرهـا
لاجالـزوم لـه يجـي مايبالـي
ولاجالزومك عنك رجله قصرها
انا احمد الي دايم الـدوم عالـي
خالق مخاليقة وبرضـة نشرهـا
وصلوا على صفوة جميع الرجالي
اعداد ماهلـت مـزون مطرهـا