منتديات رهين الشوق - عرض مشاركة واحدة

2010-09-03, 01:06 AM

غياب, ورجعتي مدري انا غلطان؟
او ان الضرف حاكمني على كيفه.

عتابك جمّد احروفي وعاق السان
عن اللي كان مايقوى تواصيفه.

فقد انسان ماوالله له النسيان
يحل وخافقي رطبه تجاويفـــــــه.

صدمني هالزمن صدمه بلاحسبان
وقبله مركبي ضاعت مجاديفـــــه.

وضاع الفكر لامنّوه ولا عنـــــــوان
وزاد الهم في صدّه وتخّريفـــــــــــه.

اذا مالي ولا لظرفي يكون الشان
اجل مانفتح ونقراء مضاريفـــــــــه.

انا لولا الغلا ماجيتكم ولهـــــان
ولا حاولت مر الحال تخفيفـــــــــه

انا لولا المحبه مانظمت اوزان
ولا غنيت في حبك وفي طيفه

انا لولا الحلا ماهزني وجدان
ولا مالت غصون الشوق في ريفه

انا لولا العذوبه هالظمى مابان
على عينّ شكت ماها وتجفيفه

انا لولا الزهر ماصار لي بستان
احب اجلس على عالي مشاريفه

انا لولا القمر ماشدني برهان
ولا شديت خطواتي بتكليفـــــــه

انا لولا البحر مابان لي مرجان
ولا لولو ولا خيّمت في سِيفــــه

انا لولا الكلام وطابع الكتمــــــان
ذبحتك حيل في هرجي وتعريفــه

بـ قلم : خآلد آلكآملي ~