منتديات رهين الشوق - عرض مشاركة واحدة

2010-09-03, 01:01 AM

انا وعيني مع سهرها ولايف
لاناموا العذال يصفا لنا الجو

في رأس مرجوم عن الناس نايف
مانسمع الصايح ولا نسمع السو

مانسمع لا همس رطب الشفايف
ولانطري اللوعات والليت واللو

وده على ودي مكيّف و كايف
ماعندنا راحوا وجابو وودو

انا وراعيت الثمان الرهايف
اللي على جسر المحبة تحدو

الـ آه والونات واهل الحسايف
حتى على جحر الثعابين سدو

نسرح سهول ولارتعنا مصايف
ونمرح رياض وبالمهل كان شدو

مركب سريع من المطاريق عايف
حتى على كل الموانع تعدو

الحب ماهو للقلوب الضعايف
اللي ترده عن مواريده الدو

لا فيه جبرولايجي بالكلايف
ولاعاش للي عاندوا واستبدو

يسعد مساكم ياحسين الوصايف
انا وليلي في غلاك استعدو

بـ قلم : آلشريف آبرآهيم آلوكيل ~