مات الغرام .. بمقبرة ( كـذب دنيـاك )
مدفون .. بيـن اول لقـاك .. وغيابـك


مات الغرام .. ومـات حبـك .. وعـزاك
قلب ٍ .. على عرش الغرام .. احتفى بـك


قلب ٍ .. نثر عطر الوفـاء فـي زوايـاك
حتى طعنته .. وانجرح !! وانتهـى بـك


قلب ٍ .. رغم كذبة غرامك ؟\.. بدى هناك
يضفي .. على مسرح سموّك .. ثيابـك!


ودام الجفاف .. ابهّت .. مُغلـف هدايـاك
في ربعك الخالـي .. وصحـراء سرابـك


خّـل الهدايـا للـريـاح .. وحنـايـاك
اسرج بها .. نار الفصـول .. وعذابـك


يذبل ربيـع احلامنـا.. بأيـدي اشتـاك
ويُنبت خريـف آمالنـا .. صيـف بابـك


لو تكرمك يسراك .. مـن بخـل يمنـاك
مايقتل اوصالك .. سوى عـن عتابـك !


بأقتل .. تحت شمسي .. طيوفك وذكـراك
وبأنحت .. على صخر القصيـد لجنابـك


أقسى مـن فراقـك .. قبولـي بشـرواك
و اصعب من قبولي وصالك ... هلا بك!!


يعني .. خلاص ارحل .. عسى الله يرعاك
ودام الفجـوج اوسـاع .. خيّـر ركابـك


و لـوّح علـى درب المـوداع بيمـنـاك
حتى .. يوادعك السـراب .. و سحابـك


ارحل .. شطبت اسمك .. ودونّت فرقـاك
واسمي .. تكرّم .. واشطبه مـن كتابـك