رد: على الله يا بقى دمعي محد غيرك وفا ليا
ان كان من جد يا بـن النـاس تبغانـي
فـي كــل لـمـة حــزن يمـكـن تلاقيـنـي
يكتبـنـي الضـيـق واللـوعـات تقـرانـي
والنـاي مـن شرهـة احـزانـي يغنيـنـي
أجـامــل الـصـبـر والايـــام تـعـصـانـي
بالله قـلـي وش الـلـي معجـبـك فـيـنـي
فقيـر يـوم ان عـز النفـس مــا غنـانـي
لـو قلـت للفـقـر عــز النـفـس مغنيـنـي
كم واحدا مـا شتمتـه لجـل مـا عطانـي
وكـم واحـدا مـا مدحتـه لجـل يعطينـي
يقـلـقـنـي الــذنــب لامــنــه تـغـشـانـي
يالله مـــن الـذنــب والغـفـلـه تنجـيـنـي
ما هـو بدايـم يصيـر السانـي حصانـي
كـم زلـة مـن لسانـي صــدق تشقيـنـي
من صغر سنـي وانـا هالحـزن يبرانـي
والـيــوم عـمــري تـعـدنــه ثـلاثـيـنـي
صحيـح مانـي بمثـل ابـوي واخـوانـي
رغم ان هقـوات نفسـي نـوب تغوينـي
مـــا مـــد كـفــي لـكـفـا مـــا تـمـنـانـي
ولاســج رجـلـي بـدربـا مــا يـوديـنـي
ما كذب لاكـن اتجمـل بعـض الاحيانـي
يوم ان ها الكذب صايـر شـي روتينـي
في ظروف ازرف عزيـزا مـا تناسانـي
وفي ظروف ادور مزرفنـي وناسينـي
اعرف نبض الجفا في وجيـه عدوانـي
واعرف نبض الغلا فـي اللـي موالينـي
والطعنه اللي تجي من صوب صدقاني
اقسى مـن الطعنـه اللـي مـن عدوينـي
كـم مـرت مـات دمعـي داخـل اجفـانـي
وكــم مــرت اتـفـه الاسـبـاب تبكـيـنـي
كذاب لو قلت شعـري يـوم مـا شقانـي
احيان يسرق منامـي مـن جفـن عينـي
اكتـب قصيـدي عشـان عيـون خـلانـي
ومرات اجامل عشان ارضـى محبينـي
|