منتديات رهين الشوق - عرض مشاركة واحدة

2010-06-27, 11:55 PM

والله اني من لمست الجرح صرت أعاني

واتلمّس علة(ن)وسط الحشا مخفيّة

واحبس العبرة بعيني واستجير احزاني

لاتخلي قصتي عند البشر مقريّة

واستخير الله واسجدله بكل اركاني

واتقلّب في سعادة عمري الوهميّة

وارسم البسمة على وجهي وهي تعصاني

واتبسم غصب والبسمة تجي جبريّة

ان نسيت الهم عيا الهم لاينساني

وان كتمت الحزن وشم الحزن واضح فيّة

يوم شفت الحادثة مدري وش اللي جاني

صرت مثل اللي يدور للدفا بالفيّة

انعمت عيني وقلبي تلهبه نيراني

وانصدمت وقلت حلم. افيق بعد شويّة

قلت في نفسي اكيد الشخص يتحداني

لين ضاقت بي الوساع وشانت النفسيّة

والله انه ما يساوي بالغلا (000)

لا ولا حتى يساوي ماوطت (000)

وانه اصغر في عيوني من هفا الذبّاني

واحقر احقر في حسابي من هماج الميّة

مابغيت اكتب قصيدي لين جر لساني

والقلم جاني وجايب لي معه مطويّة

والمشاعر تسكب الدمعة على خداني

وصارت القصة حقيقة واقعه جديّة

بدعي الله يندمل جرحي ويصلح شاني

واقدر احقق جميع احلامي الورديّة