رد: هل تؤيد قرار عدم اصطحابهم في السفر ؟!
والله العظيم وهذا حلفة احاسب عليها ليوم دين
اني ما سمعت هذه التقليعة الغريبة العجيبة إلا لما صرت اصحاب انا ووحدة إحساوية متزوجة
جات عندي الإمارات تزورني وصعقتني إنها ما جابت عيالها
اهلي كلهم تكلموا عنها ومصدومين منها
فشكلها هذه السالفة منتشرة عندكم ....
ألي صاير عندنا نحن محد مستعد والله يمسك عيال أحد إلا في حال إنهم رايحين رحلة علاج او الحج او العمرة
أما غير كذا تحط عيالها عند شغالة وتسافر ولا ترجع لو حابة هههههههههههههه
بس طبعا الامهات ما يهون عليهم تسافر و تخلي عيالها عند الشغالات ...
وللعلم انا سألت صديقتي انه ليه سوت كذا
قالت نفس الاسباب الي ذكرتها وبالاضافة عليهم انهم هم بيكبرون وبيسافرون أما هي بتكون عجوز فبتجلس
وبالتالي تكون تبدلت الأدوار
فقلت لها يعني انتقام لهم من ألحين هههههههههههه وضحكنا على الموضوع
بس اقول فخاطري وين تبين انتي هههههههههههه
وإن شالله أنا فالمستقبل ناوية اسافر مع عيالي واخلي ابوهم يعني نوفر وعشان لا يزعجنا هههههههههههههههههههههههههه طبعا امزح لازم ناخذه معنا عشان يطبخ وكذا ههههههه
عندنا عادة غريبة إنه طول السنة الام تطبخ او الشغالة وفي السفر ابوي يطبخ
واذا رحنا سفرة وكلنا عائلات نخلي زوج اختي يطبخ
المهم رجال يطبخ ما ادري ليش ههههههههههههههه
وللاسف سفرة داخليه ما عندنا ابدا لانه الامارات مساحتها زي الرياض
فما عندنا مناطق زيكم بعيد ويبغالها طائرة وحركات
عاشق ألحين إجازه حاول تريح مخك من المواضيع ههههههههههه واستمتع بشبابك
وألف شكر لك
|