منتديات رهين الشوق - عرض مشاركة واحدة - قصة مثل " مع الخيل ياشقرا " (مدّعم بصور الشـقـراء)

2010-06-09, 02:02 PM

السلام عليكم ورحمة الله وبركاته ،’ . .

مساااء الخيير

شخباركم وعلومكم

الوكاد .. كلنا نسمع بالمثل اللي يقول ( مع الخيل ياشقرا )
وكما نعلم فهو يطلق على الشخص اللي يدربي دميجته ورا الناس ويقلدهم في كل شي
حتى لو هو مب صالحن له .. اهم شي انه يقلد، كما هو حال بعض شبابنا هذا اليوم هداهم الله

لكن ياترى هل مره سأل احدكم نفسه
من هذه الشقراء المقصوده هنا

.؟

اقروا القصه عشان تعرفون

..
يقولكم والعهده على الراوي ..

كان يامكان في قديم الزمان كان فيه فلاح وعنده خيولن جميله
كل صبحيه عقب مايقوم ويتقهوى يروح ويرعاهن ويدربهن

فيفتح لهن باب الحوش أو مايسمى بالإسطبل حديثاً

ويخليهن يدوجن ويلعبن بأرجاء المزرعه لين يطيح اللي براسهن ..

وبنفس الوقت كان عنده بقره شقراء عزيزةٍ على قلبه

وكانت هالبقره كل ماقام الرجال واطلق الخيول وشافتهن يراكضن

قامت ورفعت ذيلها وركضت وراهن بأسرع ماعندها تقلدهن كأنها مهبوله

وكل ماشافها الفلاح على هاك الحال .. قال :

مع الخيل يا شقراااء

ودرجت هالكلمه لين صارت مثل يضربون به اللي يسوي مثل سواة البقره
وسلااااامتكم

وطلعت الشقرا بقره