رد: دنيا تضيق وفزعة الله قريبه
يامـا شربت أحزان وأشجان وهموم
ليت ارتويت اليأس من ضيق الأيام
.*.*.
العام كلي من عنا الغدر مسموم
واليوم جرح البعد أبلى من العام
.*.*.
أنسى طعون الأمس تسكني اليوم
وأعيش باكر دمع وآهات وآلام
.*.*.
مكتوب لي في هالقدر شخص مهموم
وأشوف لحظات الكدر خوف وأوهام
.*.*.
روحي فضا والا الجسد داخل هدوم
وش فايدة سورن ليا حاط بـ احطام
.*.*.
مايذبح الطيب سوى فعل مذموم
وانا حكمني طيب فعلي بالاعدام
.*.*.
كم طيحوني ولاقدرت اني اقوم
وكم واحدن مديت له كفي وقام
.*.*.
أبلغ تعابير الحزن صمت مظلوم
وأبعد حقيقة ناس قربك وظلام
.*.*.
أسهر مع حلمي وإذا كان مهدوم
أبسط طموحي ضحكتن ...لو بالاحلام
.*.*.
أنام ودموعي فلا ذاقت النوم
أنام وجروحي مع الوقت بتنام
.*.*.
|