منتديات رهين الشوق - عرض مشاركة واحدة - لو خانك أعز الناس وش البيت اللي يطري على بالك ؟؟؟

2010-05-22, 12:37 PM

صدقيني ما بقت للحب قيمه
الجفا شل الوفا وأصبح مكانه

والصراحة أصبحت كلمه قديمه
والهوى أصبح خيانه في خيانه

والمحبه كأنها طـفـله يـتـيـمـه
مات أبوها ونحرم عنهاحـنانـه

والمشاعر مثل ما كف كريمه
في يدين بخيل ذوقها المهانه

والأحاسيس إختفت وأمست عديمه
و فالمحبه كل شيء ولي زمانه

صدقيني قصتي قصة أليمه
البري مظلوم والقاضي أدانه

الهوى يا بنت ما ذقنا نعيمه
ولا خذينا ع الهوى عهد وضمانه

يوم صار الخل يظلم في نديمه
كيف تبغين الهوى يعتز شانه

بس نفس الحر ما ترضى الهزيمه
والذكي لابد ينجح في إمتحانه

راح وقت فيه نفسي مستهيمه
والهوى ما عاد يغريني كيانه

صدق كانت فالهوى روحي غريمه
وكان عندي الحب إخلاص أمانه

بس بان النور لي انزاح غيمه
وفي عيوني كل شيء بين بيانه

وفي النهاية أعذريني يا فهيمه
الهوى كله خيانه في خيانه