والصدر ضاق ولابقى فيـه حيلـه


وش حيلتي لاغبت عني وأنا أبغاك


ماعنـدي إلا خالقـي بشتكيـلـه


أنت الرفيق اللي على الطيب ممشاك


وأنت الصديق اللي تساوي قبيلـه


روح عسى ربي يسهـل بمسـراك


الـدرب تـوك والمسافـه طويلـه


أوصيك لاتسرع وهون على خطـاك


والأرض ماخلقـت بيومـن وليلـه


وأوصيك لاتهمل صلاتـك وتقيـاك


صـلاة ربـي كلنـا ننحنـي لـه


وأوصيك في من قد تعب لك ورباك


أبوك شـال حمـول عنـك ثقيلـه


ياما سهر!! شافك مجـرد وغطـاك


فضلـه كبيـر وردتـه مستحيلـه


وأمك لها شان بحياتـك ومنشـاك


تسعة شهور فبطنها تحتمـي لـه


باسة على خـدك وباسـة بعلبـاك


وتقـول يالله لاتجيـب الخذيـلـه


أرجوك وأطلب وأتفـدى وبنصـاك


تسمع وصية خل يوصـي خليلـه