رد: هل انت مع أو ضد .. }
مساء السكر
فالبداية ودي أعلق على موضوع الصداقة بين الرجل والمرأة
ألي صار أني طبعا أنا كنت ضدها تماما ...ليه بس كذا ...أهلنا معلمينا حاجات نقولها بدون ما نفكر فيها هههههههههههه ...لحد انه اشترك معنا عضو من الجزائر عمره تقريبا 27
في المنتدى ألي كنت أنا فيه ...كنا ما شالله دائما في حوارات وكلامنا ما يخلص
في موضوع اسمه حوار ساخن بين البنات والشباب
طول الوقت ونحن نتكلم كنت افكر فكلامه كثير ...وكنت احسه فعلا انسان عاقل وكثير كان يعجبني
وهو اتوقع نفس الشي ...لكن ابدا والله ابدا ما فكرنا بموضوع الحب او حتى ما خطر فبالنا
وكان حتى يرسلي فالخاص بشاير ودي اتزوج وش رايك بوحدة في منطقتنا مواصفاتها كذا وكذا وكذا
ونتناقش كثير كثير ...فطبيعة العلاقة كانت على اساس انه اخوة ...بس لما فكرت فيها
حسيت انها صداقة ....انها حاجه كثير برئية وحلوة ...وألحين هو متزوج ومبسوط ما شالله فحياته ويتمنالي كل خير ...
تعرف انا يومها تعلمت انه الصداقة اذا كانت موجوده لازم يكون لها ظروف معينة
يعني انا مثلا لو يموت ويرجع يعيش ما رح افكر فيه لانه جزائري ...وهو دايما يقول مستحيل ارتبط بوحدة اصغر مني كثير ....فكنا مش مناسبين ابدا لذلك حسيت انه الموضوع مشى معاي ...
فمن كذا ما رح اكرر الموضوع معه واحد اكبر مني بسنوات بسيطه واماراتي وكل المواصفات ما شالله فيه ههههههههههههههههه بكذا الشيطان رح يغير مسار العلاقة لامحاله
واما ايجابتي على سؤالك ؟؟
الزواج عن الطريق النت موجود وفي قصص كثير صارت وبتصير ....
بس انا ما رح اقولك جربته لاني اصلا مش متزوجه ههههههههههههههه ...بس ما اتمنى ابدا اني اتزوج بهذه الطريقة ....
اريد اكون زي خواتي وصديقاتي وباقي البنات ...زواج تقليدي ...
بعد عقد القران اتعرف عليه واشوفه ...أحبه وهو خلاص انكتب يكون لي
ويعني عشان العلاقة تكون من البداية فالنور ...
وبعدين إن صار لازم يكون واحد يستاهلني بجد وعمل عشاني كثير ...لانه بكذا يلزمني
اقنع الكل فيه ....ويكفي اني بتعب كثير عشان اوصله لحد البيت بطريقة ما تبين انه من النت
لانه اهلي اي شي يجي من النت يتشائمون منه ههههههههههههههه واريده يوصل بدون ما اكذب عليهم
يعني انه بطريقته وبأدبه ومواصفاته يخليهم ما يهتمون من وين جه
ويحسون انه فعلا مناسب لي ...
مشكلتي ما اتمسك كثير بالاشيا الي احبها ...وخصوصا انه قصتي القديمة انتهت اول ما حسيت انه الموضوع بيقلب جد ...
خفت انه ما يستاهل ...كثير اخاف واوسوس ....خفت انصدم انه فالواقع غير يكون من النت ...دايما فالقصص انه الولد الخون
بس فقصتي والله انا الي خونت هههههه وطلعت من حياته يعني طلعت من المنتدى
وخصوصا انه كان اي شي اقوله يسويه وما يعطيني فرصة بسم الله ازعل ههههههههههه
وكذا يطلب مني والله العظيم اني يطلب مني انه اطلب منه اي شي عشان يسويه ..
حسيت معقولة في رجال كذا ...لهدرجة هالطيبة وهالمحبة كلها يعطيها لوحدة
ما عرفها غير من الحروف الي تكتبها ....ما كنت استاهله ويستاهل الي احسن مني بكثييييييييييير ...
والاهم من هذا
انا ما تشجعت لانه سعودي ههههههههه مع احترامي الشديد لكم والله ....
سؤالي هو....
هل انته مع اوضد انه الواحد يخطب فوق مرتين وثلاث من نفس البيت
لحد ما يوافقون عليه...لانه مقتنع جدا بلي خطبها ؟؟؟؟
|