يالله يالمعبود يارب الأرباب
يا واحدن دايم على كل دايم
يا خالق الكفين والرمش وأهداب
والكل في رجواه صاحي ونايم
يسجد له المخلوق من طين وتراب
في ليلته لجلك يصلي وقايم
ذابت دموع العين والقلب قدذاب
وانا ما بين القلب والعين هايم
أرجي ثوابك دوم وآخاف لعقاب
أخاف من يوم ن على الجو غايم
ما دمت قاري الحق وحروفك اكتاب
وأرتّل آياتٍ علينا كرايم
أدري حساب اليوم يا كبره حساب
صحايف ن تنشر جداد وقدايم
ياحظ منهو للمعالي بنا أسباب
وللخير في دنياه شد العزايم