منتديات رهين الشوق - عرض مشاركة واحدة

2010-04-09, 11:56 AM

المحبه أرض

المحبة أرض والفرقا أراضي
والزمن كله ترى لاغبت ماضي
والله إني ما أشوف إلا عيونك
إن رحلت اليوم أو طوّل مراضي
قالوا العـذّال والعـذّال مرضى
وش بلا حالك من الاشواق قاضي
قلت يهجرني حبيبي لين يرضى
علّموا الظالم ترى المظلوم راضي
جرّحوني في هواك وقلت أبشكي
ماهو من جرحي ولكن لـ إعتراضي
وش علي لو قطّعوا لاجلك عروقي
من رضى بالحب .. يرضيه التغاضي

وضحى

وضحى لها من طامن الغيم طله
تسقي الكبود بلطفها مثل الازهار
وضحى خذت من حارق القيظ كله
مدري سحاب كفوفها مدري انهار
وضـحـى لها زين المخـاليق كـلـّـه
ايـضــا.. وفـوق الزيـن حـشـمـه ومـقـدا ر
وضحى الحمود لسيف الامجاد سله
حبلت بها صرخه وتعزى لبتار
أحــبـهـا ما يـكــفي ا لوصـف كـلـه
تبقى الحـروف حـروف وأشـعاري أشـعـار

نور الصبايا

عـذب الشـفايا .. معـسل الـريـق مـاذيـق
نجـل العــيـون .. معـذب القـلب بالشوق
نور الصبايا .. شـوف رسـمه تـشافـيق
متعـب .. لعـوب .. وظايـم الضـد بـرفوق
يبهج شـبابه عـثـرته للعشاشـيـق
يضحك .. وأنا قلـبي من الصـد محروق
لا .. يا ذهـب .. ومـخـبّـىٍ بـالصـناديـق
لا له ثـمن يشـرى .. ولا هـوب مسـروق
مثل الثريا نـوف .. مالك تلاحـيق
ومضـوي شعاعـك في سما كل مخلوق
ملكـتـنـي .. وأدمى هـواك الـمعـالـيـق
وأنا .. مليـك بجرحه قـول معـتـوق