هي غلطتي والا الزمـن دوم غلطـان
هي غلطتي والا الزمـن دوم غلطـان
منك العتب ؟ والا العتب من زمانـي
أحيان أحس الحزن .. لـأجلي وأحيان
أقول هـذا الحـزن ماهـو عشانـي
ياليتهـا غربـه وادوّر لـي أوطـان
ياليتهـا دمعـه وتنـسـي زمـانـي
ياليتهـا كلمـه وادوّر لـي إنـسـان
ياليتهـا ساعـه واعــدّ الثـوانـي
أكذب عليك إن قلت عايش وفرحـان
واكذب عليك ان قلت موتـي كفانـي
من ياخذ همومـي ويعطينـي إنسـان
ماجاه مثل اللي مـن الحـزن جانـي
المشكلـه ماهـي بغلطـه ونـدمـان
المشكلـه ليـه الوفـاء دوم فـانـي
صوره وملّتها مـن الشيـل جـدران
ورده وذبلت ومـن قطفنـي رمانـي
ماعاد باقـي بالعمـر كثـر ماكـان
والصمـت يقتـل فرحتـي والأمانـي
هات الحزن مادامها احزان بـأحزان
هات الحزن دام الفـرح مـا لقانـي
ياليل وين الصبح كـل يـوم سهـران
أسهر وحزني يحتـوي كـل مكانـي
يابلاد عمـري مابقـى فيـك سكـان
ويادمع عيني مـن بقـى مـا بكانـي
وياقسوة الأيام حنّي علـى (انسـآن )
لو راح مـا تلقيـن ( انسـان ثانـي)
|