ليتني ماكنت أحبك ..
ليتني ياليتني ,,
ماْ رتبطت بـ ليتني وأقوى و أكبّك ..
لو قدرت أتوب عن سمع الأغاني ,
ماقويت أتوب عن بوح القصيده ..
لن أنا جدا ً أعاني ,
ولا لزمت الصمت هذا يعني أن همي أزيده ..
خلني أرتاح بقصيده ’
وأكتب أن قلبي يحبّك / مايحبّك / لا يحبّك
وأرتجل حبّه قصيده ..
في نهايتها يسبّك ,
ويتعوّذ من أبليسه ..
يشطب آخرها ويبكي ,
: إيه أحبّه ..
لو عليه الدمع أصبّه ..
وماتغيّر لو تنكّر لي زماني ’
وصرت أعاني ..
أبقى أحبّه ,
وليتني ياليتني أقبل الدنيا بدونه ..
وإن حزنت أبكي لغيره ,
وماتحاصرني عيونه ..
ليتني ياليتني

[OVERLINE]زفيـر:[/OVERLINE]
هـ الليل يعبث في خفوقي وأخليّـه ..
وإن هز بي ذكرى حبيبي [ غفيته ]
لنّي كثر مااعاف لااجيب طاريه ..
يومه توفّى داخلي مارثيته ’
غسلته بـ دمعي وجفني يغطيّه ..
كانت عيوني بيت !!؟ يقبرْه بيته ’
كانْ في عيوني وأهتني به وأداريه ..
أضحك حضوره وإن تغيّب بكيته ’
والحين مات ولو يقولون ناديه ..
الحي لامن صدّني مارجيته ’
وشلون ميّت لاتحوّجته أرجيه !!
لو كنت أبلّع عبرتي لاطريته ’
أحن له وأقول :
بسلى وانا أبكيه ..
ويجف دمعي ماقويت وسليته