لازم اوضح لكم وش قاعد يصير ..
هذا الايميل من قروب غريبة الأطوار الى كل سعوديه بغض النظر عن عمرها
وهو يحاكي اصحاب العقول
فـ اللي ما تحس بإنتماء لهذي الفئه ياليت بكل ود واحترام وتفاديا لتجريح المشاعر الرقيقه انها تطلع ولا تقرا الموضوع انا علمتكم !!
لأني أحبكم يالسعوديات < والحب هبه من الله ..
كل يوم ادعي ربي بأنه يصلح حالنا !!
لكن والله اللي نشوفه من سيء الى أسوأ !!
ما كان ودي أبدا نوصل للي وصلنا له .. < أخلصي
[ المكياج]
تعريف المكياج في السعوديه :أداة لـ تلييص الوجه ورسم نقوشات ملونه على الوجه والهدف منه هو اخفاء الجمال ومعالم الوجه واظهار ألوان الفراشات والزهور والبحار < ما الومهم شهبان نفتقد لهالاشياء ..
..

..
مكياج الفراشه!
مكياج التايقر !
مكياج بألوان الطيف!
مكياج فرعوني !
مكياج مميز ..الخ
..

..
----
عادة لما ينفتح موضوع تختلف الآراء والأذواق ..
لكن بالنهايه ربنا عطانا عقل ومنطق يحكمون كل شي بحدود المعقول والمألوف<< رحمت نفسي أحاول امهد للموضوع لعل وعسى يقتنعون
المكياج اذا بحكي بتفصيل ما راح نخلص أبداً ..
هي سالفة فونديشن ولا اي لاينر ولا ألوااان واشكال !!
سبحان الله اتوقع معد صار فيه مشاكل انك تنطق في هالصيفيه بالرياض
لانك تشوف ابداع الخالق في وجيه هالسعوديات اذا حضرت زواج ما ينقصك الا براد المكيف والحمدلله موفرته لنا القاعات !
اللي قاعدين نشوفه بالعزايم والعروس والله مو جمال ولا يمت للجمااال بصله !!
والله أحس نفسي رايحه مسابقة ترويع !!
من أدخل ابدا ازيد الروج والماسكرا احس نفسي شهبا
طيب أنا الحين عندي سؤال
هل أنتي راضيه عن نفسك داخلياً لما تطلعين من المشغل ووجهك كذا ؟

يعني صدق صدق انتي تحسين انه مره حلو ؟؟ < ودي أفهم وش يحسون به
غريبه صارحه ..
طيب مثلا انتي مره عاجبك ..
هل تتوقعين الناس بيشوفونك مره جميله ؟
طيب خلي ذا على جنب ..
بالله كم مره سمعتي اخوك ولا رجلك يتعوذ منك لاجيتي تروحين زواج !!
ولا علق عليك تعليق جارح !!
ما ألومه !
من الهول اللي يشوفه بوجهك !
مسكين يضيق صدره ان الناس يقولون مرت فلان قرويه
يعني تتوقعين لو كنتي أقبح عالطبيعه او في الطلعات العاديه من هالـ لط اللي بوجهك ليه ما علق ؟ < سؤال أسأليه نفسك قبل كل زواج أو عزيمه ..
خلينا نمسك الموضوع حبه حبه عشان نعالجه ..
بداية بـ [ الفونديشن ] ..
أختي العزيزه ..
أختي الكريمه ..
أختي اللي الله يرحم لي والديك حاولي تفهميني ..
الحين وش سر أن " البياض هو كل الجمال " ؟
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
ما قد شفتي سمرا وجذابه ؟
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
ياملحك تكفين

أكثر سمراء إثارة على قيد الحياة
طيب اذا انتي خلقك ربي سمرا وشوله لازم بالزواج تصيرين رصاصيه مدري بنفسجيه ؟
ليه ما يكون عندك رضى وقناعه داخليه بضبغة الميلامين اللي عندك مهما كانت درجتها !!
أقولك سر ؟؟
تدرين اثبتت دراسات ان المرأه البيضاء تتجعد وتشيخ قبل البشره السمراء ؟؟
والله السمار حلو بس انتي حاولي تقنعين نفسك شوي !

ماعلينا ..
خلينا نقول وجهة نظر وانتي انسانه تعشق البياض ..
طيب حطي شي افتح من لونك بدرجه درجتين
موب لون عكس لونك تماما ..
ترى والله هذا ما يحل المشكله !
بالعكس يزيدها سوء ..
والمشكله لا جت تختم لك الحفله اللي بوجهها بقلتر فضي تنثره على أرجاء الوجه !!