منتديات رهين الشوق - عرض مشاركة واحدة

2010-03-11, 11:38 PM

وجة نظر شاعرنا

مـرات احـس القصـيـد بــدم شريـانـي
يضخّـه القلـب ليـن يقـولـه لسـانـي . !
وانـي كتبـت الغـريـب الـراقـي الـنـادر
وانـه خلاصـة علـوم الفكـر الانسانـي . !
ومـرات احسّـه شـي لا يمـكـن آصـلـه
وان الصحافـه .. مجـرد مـدح مجانـي . !
واني ليا من قريـت ( لعافـت ) و ( مدغـم )
زهـدت فيمـا كتبـت وشابـت الحـانـي . !
لكّـن واللـي خلقنـي غيـر عـن غـيـري
إنـي أحبّـه واعـده ثـالـث اخـوانـي . !
لـذا يـا شعّـار جيـل ( الكـل متمـكـن )
والكـل مبـدع .. و متميـز .. و فنانـي . !
أخـذو حقيقـة مشـاعـر شـاعـر ٍ منـكـم
* وجهة نظر * والصراحه .. نبض قيفاني . !
المسـألـه كلـهـا .. فـكــره وقـافـيّـه
وأبيـات مسموعـه مـن فـلان و فلانـي . !
نفس العتب .. و الغزل .. واللي قبـل افضـل
ونفس الفخر .. و اطيّب العربان .. عرباني . !
نـقـول شــي ٍ يقـولـه غيـرنـا لـكـن
الفـرق بالحبكـه .. و توقيـت الازمانـي . !
يعنـي بـلاش انتظاهـر ( بالأنـا ) واجــد
ما فيه ( ابو الطيب ) ولابـه ( لويحانـي ) . !
مانـي بعمـم !! ولكـن اغـلـب الاغـلـب
مستشعر .. مهايطـي خلقـه .. وقومانـي . !
لـو انــه يعـاتـب الرعبـوبـه الحـلـوه
يقـول ياطيـب ابـوي وطيـب جـدانـي . !
ومـدام هـذي حقيـقـة وضعـنـا الـراهـن
يمكـن مـع الوقـت رب البيـت يبلانـي . !
فـإن كـان شفتـوا اهياطـي يـا جماهيـري
تجاهلـوا كـل اشرطتـي .. و ديـوانـي . !
خلونـي احــس فــي قيـمـة تواجـدكـم
واتعـب علـى ذوقكـم كـان الله احيانـي . !
لكـم علـيّ اقلـب الدنـيـا عـلـى شـانـه
والـي عليكـم تحبونـه عـلـى شـانـي . !
وعلـى العمـوم الغريـب احساسـي الليـلـه
ماهـوب باحساسـي ان فارقـت شيبانـي . !
عوايـدي لا تركـت ديـار ( اخـو مريـم )
أشعر بضيقـه واحـس الشـوق أضنانـي . !
لكـنـي الـيـوم كـنـي جـالـس فبيـتـي
مابين ربعي .. و خلانـي .. و صدقانـي . !
فيا أمـا * الكويـت * موجـوده هنـا معنـا
يا أما دار الخفوق ديـار * ابـن ثانـي * . !
أحبّهـا مـن قبـل لاجيهـا وامــوت بـهـا
واحسّهـا غيييـر فـي فكـري ووجدانـي . !
واللـي مــزوّد غـلاهـا شعبـهـا كـنـه
يعـطّـر الارض كمـبـودي وريحـانـي . !
من كثر ماهـو ودود .. و سمـح .. و يقـدّر
ماكنـي بضيـف كـن الشعـب ضيفانـي . !
والــدار تـبـارك الرحـمـن مـــا شالله
دره وفيهـا الجمـال اشـكـال والـوانـي . !
هنـا التطـور صحـيـح بكلـبـوا حـاجـه
رياضي .. و فكري .. و فني .. و عمراني . !
الله يبـيـض وجـيـه شـيـوخ ديـرتـكـم
يشهـد لهـم قاصـي العربـان والـدانـي . !
في ضـل قايـد مسيرتكـم * ابـو مشعـل *
و عياله .. و عزوتـه ذربيـن الايمانـي . !
امجادكـم مـا هــي بسهـلـه و حــي الله
لا والله الا بـحـد السـيـف شـامـانـي . !
ويكفيكـم مـن المآثـر .. موقـف الخفـجـي
يـوم الجمـوع اتداحـم فعلـكـم بـانـي . !
وعمـار يـا ديــرة التـاريـخ والطيـبـه
في ضل شيخك ( حمد ) وامجاد ابن ثانـي .