رد: دمـــــــــــــوع الرجـــــــــلـ !!!~
السلام عليكم ورحمة اللهـ وبركاتهـ
دموع الرجل هي اصدق من دموع المرأة من وجهة نظري لانها ماتنزل الا وقت الضيقهـ ... لأنهـ الرجل بطبيعتهـ يتحمل الامور الدنيوية ونادر لما يتأثر بعكس المرأة التي تتاثر دائما لطبيعة قلبها الممتلئ بالرقهـ والمشاعر .....
في مجتمعنا يشوفو دموع الرجل دليل للضعف وهذا غلط ومثل ماكانو يقولو لنا وحنا اطفال عيب لاتبكي الرجال مايبكي ....
المواقف الي شفت فيها دموع الرجل كثيرهـ :
اولها يوم وفاة 3 من اعز واغلى اصحابي وكانو بالاصح مثل اخواني شفت دموع ماكنت اتوقع بيوم انها تخرج خاصه من عيون والد واحد فيهم يومها من كثر مابكي واللهـ و الي رفعها سبع سموات انهـ نزل الدم من عيونهـ ونقلوهـ للمستشفى وجلس يومين هناك وماحضر العزا حق ولدهـ ....
الثاني يوم وفاة صاحبي الرابع و تقدري تقولي وقتها انها كانت صدمهـ لي ولاهل اصحابي الي ماتو قبل لأنهم كانو عارفين حنا الـ5 ماكنا نفترق عن بعض لاباكل لابطلعه ولا بنوم في اغلب الاحيان ... يومها الي نزلت دموعهم كانو ابهاتنا ومنهم ابويا انا ولاول مره اشوفهـ يبكي ويمكن هالشي الي خلاني اصبر وصرت احاول اهديهـ ....
المرهـ الثالثهـ كانت يوم الجمعهـ الي طاف يوم مارحت اودع ابويا وهو بالمستشفى وكانت عمليته ثاني يوم وبنفس وقت العملية كان موعد سفري .. مع اني حاولت كثير معاه اني أأخر الحجز بس مارضي و طلبني اني اسافر ويومها سلمت عليهـ وجلست ابكي من القهر انا وحيدهـ ووقت مرضهـ اتركهـ واسافر يعني وقتها كرهت السفر و الغربه والدراسه كرهت الدنيا بكاملها وقتها احساس الله لايجعل انسان يمر فيهـ ....يومها جيت ابوس رجوله وجلست ابكي ولما جيت ابوس راسهـ الا ولقيت دموعهـ تنزل على خدودهـ وقتها تمنيت الارض تنشق وتبلعني ولا اشوف ابوي يبكي لوداعي ....
اسف يارهينهـ طولت بردي
ربي يسعدكـ و اللهـ يسعد قلبكـ دوم ويرحم والدكـ ويدخلهـ جناتهـ الخلد باذن اللهـ
و
مشكورهـ على هالموضوع
و
ترا مافي مشاكل وللهـ الحمد بس اختلاف الراي يولد نوع من الحساسية و الحمدلله مدهـ بسيطهـ وترجع الامور مثل ماكانت
تحياتي
|