رد: كوب شاي ونثر,وجنون(يوميا متجدد من الاعضاء)سجل دخولك
نسيتني علمني وشلون ابنســــاك
في هالزمن نسيان الاحباب عـادي
وشلون لامرت على البال ذكـــراك
وطيفك سرق مني لذيذ الرقـادي
وشلون لا قالو لي الناس وش جـاك
من كنت في لذة منامك تنــادي
وشلون اعيش اللي بقالي بليــاك
لامن غدينا كل واحد بــــوادي
لو قلت اداوي جرحي اللي تباطاك
ماكل جرح يفيد فيه الضمــادي
اعلنت حبك لين كلن تمنــــــاك
غلطه وغيري من خطاي استفـادي
لو لي مثل قلبك تمنيت فرقـــاك
واكيد قبلك بالجفا صرت بـادي
حلوه عذاريبك وحلوه مزايــــاك
حتى بيوم افراقنا كنت هــادي
كن الليالي ودها تكسب ارضـــاك
وانا يطول امع الليالي جهـادي
في ذمتي ماهي غريبه خطايــــاك
مبطي وقلبك لو تنبهت غـــادي
سهله على من كان مثلك وشــرواك
مثل الثياب يغيرون المبــادي
علمني اكره ذكرياتك وطريــــاك
وانسى من الليله صدوق الودادي
ولاني بقايل عقبها كيف ابلقــاك
راضي لو ان جروح قلبي جـدادي
ولا القصايد جعلها من فدايـــاك
لبستها مبطي ثياب الحـــدادي
باكر على المخطي يدورون الافـلاك
ونشوف من يصعب عليه البعـادي
|