ودعتك الله يالرفيق الموالي= عسى السلامه تنكتب في طريقك
مثلك غيابه نفتقد فيه غالي = ابيع كل الكون ولا اشوف ضيقك
ان كان بعدك واجبٍ لا محالي =الله يسهل رجعتك مايعيقك
يرزقك حب الناس اول وتالي = لا ماتشوف اللي ينشفه ريقك
سافر وخلك رافع الراس عالي =ترا الصعايب وحدها ماتطيقك
ضاق الفضا وضاق بالهم حالي = ضاقت ليالٍ خاليه من بريقك
قلبي بدونك ديره بدون والي = وجيش المشاعر يحترق من حريقك
حزين وقتي والفرح في سؤالي = متى تعود ويهتني بك رفيقك