الوو

الوووو

الووووووو




الو حياتي وينك ووين الايام ؟!
مرت ليال وماسمعت اتصالي

لايكون زعلانه وفي قلبك خصام ؟!
قلبك كبير وقدرك بجد غالي

والله احبك حب ماجا بالاحلام
حبن طهور كالقمر مايطالي

يللي وصوفك ماطرت عند الاعلام
الله وهبك الحسن حسنن مثالي

جمال خلقه/حشمتن/ لبس/هندام
عز وشموخ وكبرياء وتعالي

لاتدخل فبالك وساويس واوهام
ولا يطري فبالك تفض الوصالي

والله لاموت وخاطري حيل منضام
لاغاب حسك شنهو اللي بقالي

لا حل ليلي اكتئب مقدر انام
ولا طل صبحي احتمي بالظلالي

مالوم قلبي وانا والله ما انلام
بنت وابيها بالشرف والحلالي

حبي وحبك غير عن حب الانام
حب المصالح مالنا به مجالي

اهديت لك قلبي وانا ابصم ابهام
اني اصونك لو تجور الليالي