منتديات رهين الشوق - عرض مشاركة واحدة

2010-01-16, 05:37 PM

أنآ راحل عن عيونك وابيك بكلمتين صغـآر
إلى من ضاقت أحوالك تذكّرنـي ورددهـا

( أحبك موت ) رددها بقلبك تنبت الآزهآر
(أحبك موت) معناها حياتي فيـك مولدهـا

تذكّرهـا وتلقانـي بقلبـك كلّمـا تحـتـآر
تلاقيني مع اطيافي بـروحٍ كنـت تجهدهـآ

بسافر يابعد عمري طويله سكّـة المشـوار
تركت القلب بيدينك وروحي معـك بفقدهـا

لك الذكرى تناديني ويحرقني لهيـب النـار
ولكن خطوتي ترفض رجوعي لو أعاندهـا

انا مكسور في نفسي وخلّيت الجروح أسرآر
أبآخذها مع اغراضي وبرحل قبل تشهدهـا

صحيح ان الحزن قاسي ولكن ماتفيد أعذآر
كبرنا عن طفولتنـا ووقـتٍ كـان يسعدهـا

خلاص اليوم ودّعنا زمان وباقـي التذكـار
تسلّينـا بوحدتنـا ونسلـى فـي مشاهدهـا

دخيلك لابكت عينك وهلّت دمعهـا مـدرار
ترى روحي مناديلك تكفكف دمـع يوقدهـا