اهـﮯ يابحر الدمعـﮯ فـﮯ محجر العينـﮯ مقدر علـﮯ فرقاهـﮯ هزتـﮯ كيانـﮯ
؛؛
هذا مكانه يابحر أعرفه زين
...
رغم البطا كنه هنا من ثواني
...
كنا هنا قبل نتفارق بعامين
...
قبل المطر يجتاح وجه المباني
...
وينه غلاتي يابحر وينه الحين
...
مرك لمحته مانشد عن حناني؟
...
بالله قول أنه هنا قبل يومين
...
ودي أحس انه هنا مانساني
...
حتى الكراسي تسألك يابحر وين
...
من غيبنه حتى الكراسي تعاني
...
كنا هنا قدام وجهك محبين
...
نرسم على سطحك كثير الأماني
...
شف يابحر كنا على جالك اثنين
...
واليوم ماغير الدمع والمواني
...
دونه أشوف الزين بناظري شين
...
وبإسمه انادي واحد من أخواني
...
وين السعاده ناسيتني من سنين
...
مدري بعد مثل السعاده نساني
...
اه يابحر الدمع في محجر العين
...
ماأقدر على ذكراه هزت كياني
...
مااقول يسوى في عيوني ملاين
...
يسوى عيوني وماغلى من زماني
...
هو القمر في الأرض يمشي برجلين
...
مافيه مثله يابحر شخص ثاني
...
شف يابحر ماهزني غير اثنين
...
فرقاه وميسم هالزمن لاكواني
...
لكن أمانه يابحر أحفظ الدين
...
لاجاك ثير الموج لهفه عشاني
...
قله غيابك عن حبيبك سكاكين
...
ماهو حرام الذبح بإنسان فاني
...
دايم يحن لموعدك يعرفه زين
...
وده يشوفك يابشــــــر لو ثواني
...
|