منتديات رهين الشوق - عرض مشاركة واحدة

2008-11-03, 05:34 PM

جاري ارسال الرساله من عيوني الى عيونـك

لجل تتفهم شعوري قبـل ينطـق لـك لسانـي

ياخي خذها بأختصار مستحيـل احيـا بدونـك

والعمر من دون وصلك جايـرا مابـه امانـي

اعشقك واعشق غرامك واسرح برقة جفونـك

واستهل الحب كله مـن حنانـك فـي حنانـي

يعني مجنون بغرامك سمنـي عاشـق جنونـك

عقلي من شفتك وربي ضاع واستورد جنانـي

كل من حولك بكونه وانـت بلحالـك بكونـك
وحدك بقلبي اتمشى وماسـوى حبـك هنانـي

شلت سلسال الذهب ياذهـب ضافـي متونـك

وانت من كمل حلاته وطلته في شكـل ثانـي

من كثر ما احب حبك صرت اخاف اني اخونك

ماني مصـدق بأنـك ساكـن بقلبـي وكيانـي

لو دريت ان المشاعر دايم بعمـري تصونـك

تلتحف حبك وتحفظ هالعهـد طـول الزمانـي

مايهـم يعنـي شؤونـي المهـم والله شؤونـك

مستعد اشقى واتعـب لجـل عينـك ماتعانـي
بس لا تطري بعـادك بـس لا تتبـع ظنونـك

وابشر بقلبا يغني في هـواك احلـى الاغانـي

بأختصار انا بدونـك وافتهـم ياخـي بدونـك

ما اعيش العمر لحظه وانـت ياحبـي امانـي

حط كفينك بصـدري وحـط بعيونـي عيونـك

عندها تفهم شعـوري قبـل لا ينطـق لساني

تحياتي,,, رهين الشوق