|
ياصاحبي بتموت ماني براجيك
راسك علامك رافعه يـوم أحاكيـك
الظاهر إني فوق حجمك عطيتـك
لحظه نبي نرجـع دقيقـه لماضيـك
بذكـرك فـي أي حالـه لقيتـك
كـان الضيـاع ودمعتيـن تخاويـك
منهار وفي عز انهيارك خذيتـك
وأرخصت عمري لجل أحبك وأداريك
هدمت قصر الذل فيـك وبنيتـك
كـان الغـلا شمعـه تنـور لياليـك
لوأظلمت دنياك جيـت وحتويتـك
ياللأسف كنت أمدحـك وأفتخرفيـك
رفعت من شانك وعليت صيتـك
كنت أنت عندي غيـر ماأقدرأخليـك
أموت وأحيا ان قلت سم وفديتـك
واليوم أشوفك خنـت حتـى مباديـك
صغرت في عيني وأنا اللي هويتك
الضيـف لـو انـه عـدو معاديـك
غصب عليك تقدره وسـط بيتـك
ياصاحبي بتمـوت مانـي براجيـك
واشره علي ان كان حتى طريتك
لاصار ذل النفس فـي قلـب يغليـك
يلعنك ياقلـب عشقـك وشريتـك
اضحك حبيبـي دام وقتـك مسليـك
باكر تموت من القهـر لانسيتـك
|