|
عادي...طاح الحطب...وحلوة الحياة
◄المشهد الاول وحدة مزيونة بالحيل..وحبيبة بس تخون! وش اسوي بجمالها؟ بياخذها الزمان و تبقى عجوز.. عادي..طاح الحطب..وحلوة الحياة ◄المشهد الثاني ملتزم .. يصلي كل الفروض.. و اذا تعب..فوت صلاة الفجر واذا شبع راحت صلاة العصر.. و عنده دش..و يكذب كثير و اذا صحى الصبح ..مشط اللحية عادي..طاح الحطب... و حلوة الحياة ◄المشهد الثالث غني و ظالم.. يطرد المساكين..و يستغل الضعوف مغرور و فاسق.. و مجلسه عامر.. كلٍ ينبهر له.. و مع ذلك يجمع حسنات..من كثر اللي يسبونه عادي...طاح الحطب.. و حلوة الحياة ◄المشهد الرابع يكد يدرس و يشتغل.. لاجل يبني مستقبله.. تزوج و جاب عيال..ثم تقاعد صار يسكن في مكان..و أم عياله في مكان والسبب العيال.. صار دار المسنين بيتهم.. عادي...طاح الحطب..و حلوة الحياة ◄المشهد الخامس تغازل و تاخذ ارقام.. و تطلع مع هذا..و تواعد هذاك... و يوم طاح الفاس في الراس.. بكت .. و راحت تشكي لامها غدر الزمان... طبطبت عليها امها وقالت: ولا يهمك ..سفرة لمصر.. وشوية سيولة و ترجعين بنت.. عادي...طاح الحطب... و حلوة الحياة ◄المشهد السادس مرفوع الكفن أبيض .. وصاحبه وسط البياض.. بعضهم يبكي.و بعضهم عادي دفنوه.و تبكبكوا شوي و اخر الليل سكارى.. عادي...طاح الحطب... و حلوة الحياة ◄المشهد السابع سيارة مسرعة .. و تدعس لها واحد.. مسكين هندي.. و العسكري صديق الطايش .. والخطا نصه على الهندي.. والباقي على أبو الطايش .. و في الليل...الطايش يلعب بلوت عادي...طاح الحطب...وحلوة الحياة ◄المشهد الثامن قارورة مويه .. ما تضره..طايحة في السيارة يناظرها بغضب..زعلان منها و يفتح الشباك و رماها وسط الطريق واذا اجتمع مع الشباب قال: متى بنتحضر؟؟؟؟؟؟ عادي...طاح الحطب... و حلوة الحياة ◄المشهد التاسع اهم شي الثوب نظيف...و الشماغ مكوي.. و القلم ماركة...والساعة تضوي... و الجزمة جلد..والسيارة عجب ... و تلفونه ما يسكت.. إما بنات..أو البنوك تبي فلوسها... .عادي....طاح الحطب... و حلوة الحياة ◄المشهد العاشر سطحية ..ومغرورة غبية...و متكبرة...ويا ريتها حلوة تبي زوج مواصفات.. ما يقول لا...ويكره الاستراحات لازم وسيم...و انيق...و متعلم..و دخله ممتاز و يحب السفر.. و بعد سنين..تلاقي نفسها في الانترنت تدور واحد يقبل بها... عادي...طاح الحطب... و حلوة الحياة ◄المشهد الحادي عشر فتح الكمبيوتر.. و دخل للمنتدى...و كلامه ما يتعدى ان الموضوع روعة و رهيب و هو ما قراه و لا يعرف كاتبه... بس يبي يزيد المواضيع موضوع ... ويزيد همومنا هم... علشان يصير صاحب الألف موضوع.. و يتميز.. والمشكلة انه يتميز .. عادي...طاح الحطب...وحلوة الحياة ◄المشهد الأخير الكذب اثم...ومع ذلك نستخدمه و ندري ان هذا حرام..و مع ذلك نجربه نتذكر السهرة و الفرح و السفر... و ننسى الجالسين على كتوفنا ... و نتناسى ان معهم كتاب يسجل افعالنا و نياتنا... كل شي محسوب.. حتى النظر .. نسينا ان ورانا يوم...علاماته قربت ومع ذلك كلنا ناسين.. أن بقيت على حالك تتناسى ..لازم تعرف إن ذاك اليوم مهوب عادي وانت الحطب و ما به حياة ▪▫بقلم▪▫ عبـدالرحمـن المسـاعد |
رد: عادي...طاح الحطب...وحلوة الحياة
~||[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]||~
همووووسه انسـابت حــروفـكِ .. عذبة و نقية . لكِ إعجـابي بحـرفكِ و احترامي لشخصكٍ لكِ~~>>[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] |
رد: عادي...طاح الحطب...وحلوة الحياة
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]بارك الله فيك[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
وهـ الأشياء بالمجتمع الحين... حلوهـ طاح الحطب... دمتي لمن تحبين... |
رد: عادي...طاح الحطب...وحلوة الحياة
همسة ح ـــــب
اشكرك على هذا النقل الرائع سلمت يداك بشوق لج ـــــــديدكـ |
رد: عادي...طاح الحطب...وحلوة الحياة
~همسة~حب~
سلمت اناملكِ ع الطرح الوافي والمتالق حروفك جميله جداً استمري فقد نلتِ اعجابي واطمع بالمزيد منك |
رد: عادي...طاح الحطب...وحلوة الحياة
ذووووووووق
طرح راق لي واعجبني دمتِ لمن تحبي |
| الساعة الآن 10:24 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010
*جميع المشاركات المكتوبة تعبّر عن وجهة نظر صاحبها ... ولا تعبّر بأي شكل من الأشكال عن وجهة نظر رهين الشوق