منتديات رهين الشوق - خلاص مالي ومال الحب وازعاجه

منتديات رهين الشوق (http://www.alshoogg.com/vb/index.php)

- همس المشاعر (http://www.alshoogg.com/vb/forumdisplay.php?f=17)

- - خلاص مالي ومال الحب وازعاجه (http://www.alshoogg.com/vb/showthread.php?t=863)

خلاص مالي ومال الحب وازعاجه

ياصغيّر السن قدرك طاحت أبراجه
الجرح خلى الصخر ينطق ونطقني

خلاص ماعاد تعنيني ولا حاجه
رح جعل ربي يوفقك ويوفقني

من بعد ما كنت نور العمر وسراجه
اليوم صرت الظلام اللي يطوقني

عطيتك أكثر من اللي كنت تحتاجه
أسرفت فالحب لين الحب وهقني

خلاص مالي ومال الحب وإزعاجه
مالي ومال الدروب اللي تضايقني

تعبت أضم البحر واهدي أمواجه
تعبت أجامل وأشوف الوقت يسرقني

شكواي للي عليه الضيق وافراجه
اللي إذا شاء يرحمني ويرزقني

أما انت يابو جبين عقّد احجاجه
لاعاد تسأل علامك منت طايقني

الناس كلٍ على دربه ومنهاجه
وأنا عن الناس مابه شي يفرقني

إلا اني دايم أحب الصدق وأواجه
مخلوق والله على هالوضع خالقني

حتى رفيقي ضماد القلب وعلاجه
على كثر ما أتمسك فيه صدقني

لو ادري انه مرافقني على حاجه
لاامسّكه حاجته وأقول فارقني

..

. يعطيك الف عافيه
كلمات تؤدي المعنى يسلمك ربي

تقبلي مروري
اختك\\بنوته شقية .