منتديات رهين الشوق - قصيدة اهل المذله(قلوبهم سود بها الف عله)

تركت مجلس خاطري منه مرتاب
المجلس اللي جمع اهل المذله
ناس حكاويهم مثل عظة الداب
تلحق على قلبك وتخلف محله
ناس ولو بالزين تلبس لها ثياب
قلوبهم سود بها الف عله
هذاك مايصدق لك القول كذاب
الكذب يجري في عروقه وكله
وذاك نقال الحكي بين الاحباب
همه يفرق بين خل وخله
وذاك قوله في ورى الناس ماتاب
ليته لقى غير الحكي شغلة له
وذاك متكبر على كل الانساب
مايدري ان العهد كبره يذله
وذاك وقت المصلحه يطرق الباب
واذا انتهت ماكان دربك يدله
وذاك ابو وجهين خاين ولعاب
طبعه يخون اللي غدى مخلص له
وهذاك يضحك لك من الناب للناب
وبأقصى ضميره يشعل النار غله
ياحسرته من كان ذولا له أصحاب
عز الله انه وسط عيشة ممله
وصلاة ربي المعتلي رب الارباب
على نبي سيف الاسلام سله
وسلامتكم
مكتوب لعيونكم