منتديات رهين الشوق - لاتستفز القلب والقلب مجروح

منتديات رهين الشوق (http://www.alshoogg.com/vb/index.php)

- ملتقى شعراء رهين الشوق (http://www.alshoogg.com/vb/forumdisplay.php?f=15)

- - لاتستفز القلب والقلب مجروح (http://www.alshoogg.com/vb/showthread.php?t=7971)

لاتستفز القلب والقلب مجروح

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]عزاه ياشوق يجي يوم ويروح
مدري وش الي حال دوني ودونه
الشوق جمرة تحرق القلب ويفوح
من حرها شفت العنا والمهونه
لاتستفز القلب والقلب مجروح
قلب ليا صديت زادت شطونه
لاقلت لي ببقى ولا قلت باروح
ارحم خفوق منك كثرت طعونه
ترا الجفا والصد مافيه مصلوح
هذا اللذي كل العواذل يبونه
العين تبكي والغلاصارمفضوح
والروح راحت من عناك مغبونه
والحال ناحل واعذب الصوت مبحوح
عزي لمن صارت عظامه تخونه
المعذرة ياشوق لوراحت الروح
مدام وصلك مقفيات مزونه
الموت لاجامنك يازين مسموح
كان الغلا بالموت جهزكفونه
مادام عرق الوصل بالصد مذبوح
اصبر لشوق قلوبنا يدفنونه
واليا دفنت الشوق اكتب على اللوح
مرحوم ياقلب تهاوت ركونه
وافتح دهاريز العزا وانت مبيوح
واقبل عزا الي فيك خابت ظنونه