|
يوصي صاحبه على حبيبته قبل مايموت
هذي قصيده اثرت فيني كثير وحبيت انقلها لأحبابي لتشاركوني فيها00 صراحه قصيده تقطع القلب... واحد اسمه خالد جاه مرض و قالوله انه بيموت كتب الشعر لصديقه يقول له فيها ان يتزوج حبيبته و يبي من صاحبه هذا انه يخليها تنساه اقرأ القصيده والله تستاهل ... وراح تعرف معنى الحب الصادق وصاتي لك من بعدي ........ تموت فيها علشاني ابيها تعيش و تحيا بك ........ واظل بالذاكره مفقود وصاتي لك تنسيها ........ ملامح وجهي و تنساني وتعزفها قصيدة حب ........ على عكس اللي عزفته بعود وصاتي لك تبعدها ........ عن اشعاري وقيفاني تراها مغرمة بالحيل ........ ويشهد لي عدد الردود وصاتي لك تسايرها ........ ترى فيها من احزاني طلبتك لايضيق بالك ........ طلبتك والطلب مردود وصاتي لك تناديها ........ حياتي..عمري..ازماني انا عودتها دايم ........ ادلعها وانا موجود وصاتي لك تعاملها ........ بطيبه قلب و احساني تراها تذرف الدمعه ........ ودمعتها بليٌا حدود وصاتي لك تحفظها ........ سور وآيات قرآني وتخبرها عن الميت ........ رحل لايمكنه بيعود وصاتي لك ترسمها ........ على قبري وأكفاني ابيها لوحة تبقى ........ على طول الزمن محدود وصاتي لك تمازحها ........ وتشوف الضحكة بأسناني سعيتك ياضحك هالكون ........ طلبتك لاتصير جلمود وصاتي لك تقهويها ........ من دلالي و فنجالي تراها تعشق السمرا ........ ويكفيها دخون العود وصاتي لك تركبها ........ على خيلي و على حصاني وربي فارسة من قلب ........ شهادة ماهي لشهود وصاتي لك تسفرها ........ بلاد الشام و لبناني ترى يحلالها تقطف ورده ........ وردة من بلد الورود وصاتي لك تراقصها ........ على الحان رحباني ترى فيها عرق خالة ........ وفيها من جنون السود وصاتي لك تحببها ........ فأبونورة بعد هاني وتنسيها ندم غلطة ........ انا فيها ترى المقصود وصاتي لك تكرهها ........ في تاريخي و عنواني أبيها تلعن اللحظة ........ وتلعن كل فرح موعود وصاتي لك تكلمها ........ عن المجني وعن الجاني وتخليني انا الظالم ........ وانا من حرق الاخدود وصاتي لك تشبهني ........ بدم أحمر قاني وانا هالقاتل السفاح ........ مجرم من عصر نمرود وصاتي لك تحلفها ........ تتوب تحبني ثاني ترى يكفيها ماعانت ........ ويكفي حيلها مهدود وصاتي لك تنسيها ........ وصية قالها لساني أنا اخبرك رجل موقف ........ وانت قدها وقدود صديقي مالقيت غيرك ........ يعرف وشلون تنساني أمانه ضمها بقلبك ........ ترى خالد....رحل مايعود معقول في ناس تحب كذا ؟؟؟؟؟؟؟ مع خالص تحياااااااتي |
رد: يوصي صاحبه على حبيبته قبل مايموت
مشكوره يالغلا
اكيد كثير ناس تحب كذا لاكن في بنت تستاهل كذا حتى حبيبته اذا نسيته فأنها ماتستاهل حبه تقبلي مروري |
رد: يوصي صاحبه على حبيبته قبل مايموت
قصيده رائعه
وانا أقول في ناس تحب أكثر من كذا الحب ليس له مقياس دمتي لمن تحبين |
رد: يوصي صاحبه على حبيبته قبل مايموت
بس قليل الى يحب مثل حب خالد
مشكورروه على القصيده الرائعه وتقبلي مرورى |
رد: يوصي صاحبه على حبيبته قبل مايموت
مشكورين حبايبي ع مروركم ع متصفحي المتواضع
ودي يسبق ردي |
| الساعة الآن 01:29 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010
*جميع المشاركات المكتوبة تعبّر عن وجهة نظر صاحبها ... ولا تعبّر بأي شكل من الأشكال عن وجهة نظر رهين الشوق