يارب
 

يارب عرشك فوق سبع السماوات
ومنك الفرج يالله في ظرف ساعه
جل جلالك معجزاتك لها إثبات
سمعت علمن ماقويت استماعه
مومن وراضي بالقدر بالملمات
وشرعك رضينافيه سمعن وطاعه
تقدر ولا نقدر برد الصعيبات
ومانستطيع وعندك الاستطاعة
هلت دموعي من خبر بالقناوات
والحل بيدينك وعندي قناعه
لو أعلنوا حضر التجول بالأوقات
يارب لا تمنع صلاة الجماعه
مع قدرتك مانعرف المستحيلات
أنت القدير بردته واندفاعه
رفع البلا يارب بمرك بلحظات
وسقف الدعا بسمك رفعنا شراعه
يارب صوت الفاتحه والتحيات
بالمسجد العامر نريد استماعه
وحي على الطاعه بآذان الصلاوات
تزيد بنفوس العباد المناعه
وصوت الامام اليارتفع بين الأصوات
نفرح ليا منا سمعنا ارتفاعه
يارب قصرنا بشكرك بما فات
يارب عفون منك في ظرف ساعه
يالله ياللي فوق سبع السماوات
تكتب لنا يارب عفو وشفاعه