منتديات رهين الشوق - يا صغيّر السن قدرك طاحت ابراجه

منتديات رهين الشوق (http://www.alshoogg.com/vb/index.php)

- ملتقى شعراء رهين الشوق (http://www.alshoogg.com/vb/forumdisplay.php?f=15)

- - يا صغيّر السن قدرك طاحت ابراجه (http://www.alshoogg.com/vb/showthread.php?t=5809)

يا صغيّر السن قدرك طاحت ابراجه

يا صغيّر السن قدرك طاحت ابراجه
الجرح خلّى الصخر ينطق ونطقني

خلاص ما عاد تعني لي ولا حاجة
رح جعل ربي يوفقك ويوفقني

من بعد ما كنت نور العمر وسراجه
اليوم صرت الظلام اللي يطوّقني

عطيتك أكثر من اللي كنت تحتاجه
أسرفت فالحب لين الحب وهّقني

خلاص مالي ومال الحب و ازعاجه
مالي ومال الدروب اللي تضايقني

تعبت أضم البحر وأهدّي أمواجه
تعبت أجامل و أشوف الوقت يسرقني

شكواي للي عليه الضيق و افراجه
اللي اذا شاء يرحمني ويرزقني

اما انت يا بو جبين عقّد حجاجه
لا عاد تسأل علامك منت طايقني ؟

الناس كلٍ على دربه ومنهاجه
و أنا عن الناس ما به شئ يفرقني

الا اني دايم احب الصدق و اواجه
مخلوق والله على هالوضع خالقني

حتى رفيقي ضماد القلب وعلاجه
على كثر ما اتمسك فيه صدقني

لو أدري انه مرافقني على حاجه
لأ مسكه حاجته و أقول فارقني

========
====
==
=

مماّاّ أعجبني واتمنى انها تعجبكم
دمتم بووووود ....